احم احم طبعا الاكيد المؤكد انكم قريتوا الموزوع
الا وهو بعض من سواليف خكري مع امه ... اخليكم مع التحف...
الخكيري:رطوووبة حررر...طفششش...خلاص ااخ انا تعبانه يؤ قصدي تعبان..
العجيز:اقول ياجعل عيني ما تبتسيك(تبكيك)ورى ماتتمرجل مع الرياجيل وتغدي ذيب
نعنبو فررررتك طالعن ع من خكري؟؟انا يوم اني بسنك كنت اقود قطيع غنم..واقود قبيله مثلك..
الخكيري:ماما ايش معنا غنم؟؟ايييييه قصدك الخروووفه...
العجيز:اييييه ياويحي تقول خروفه ياحرة تسبدي .. اقول تقلع من قدامي لاتخليني اتخلى من انوثتي وارتكب فيك جريمة ترى مو ماسكني عنك الا صلة القرابة..
الخكيري:ليش ماما تكرهيني انا مو دلوعتك يؤ قصدي دلوعك؟.؟.
العجيز:تصدق احرجتني بكلامك حمرن خدودي .. اسفه حبيبي..
الخكيري:تدرين ماما وش اتمنى؟؟
العجيز:وش تتمنى ياهيفا؟؟
الخكيري:اتمنى بس تشوفين حليمة وتاخذينها قدونك..
العجيز:وش انتي ياحليمه؟؟
الخكيري:بنت بولند ماما...
العجيز:ياليت والله تخلي قدوتك بهالدنيا اخوك خلف سندي وعزوتي وهـ بس الله لايخليني منه ولا من جناين قلبه..الا ياوليدي اذا طب علينا حرامي وش بتسوي له؟؟
الخكيري:ابشد شعره بقوة واقول له عيب عليك..
العجيز:لاتكفى ..ارحمه مسيكين وانت تحسب ان الحرامي مخلي شعره مثلك ياباربي؟؟الحرامي يجيك وجهه كل مخوش ويده اعرض من يدك..
الخكيري:يوووووه ماما لاتخوفيني ماما اجل ابقول له حوحو خذ كل شي الا اغراضي من بدي شوب خلها الله يخليك
العجيز:الله يخلف ع امٍ جابتك بس..
((الا وبدخلة خلف اللي توه جاي من برى))
العجيز:تعال خلف وانا امك؟؟
خلف:سمي يمه يالبيه..
العجيز:هلا بعزوتي وبسند ظهري ..اقوول لو طب علينا حرامي ياخلف وش تبي تسوي به؟؟امتعني اطربني سمعني..
خلف:ابكسر ظهره ثمن ابوطي رقبته..واقطع يده ..وافك رقبته ..واعلقها ع باب الشارع عظة وعبرة لغيره..
الخكيري:اي يؤ اح يوجع ترى مااستحمل الكلام ذا ترى مااعرف انام بالليل اخاف..ولا تدرون ابروح انام احسن لي من الجلسه معكم ياعيال دراكولا...؟
العجيز:دراكولا يمص دمك هذا لو عندك دم ...ان ماطلع بعد الدم اللي بجسمك داناو الله يستر..ياقليل الحيا احد يقول عن امه تسذا؟؟
الخكيري:سوووووري ماما..؟
العجيز:سراوة يهابدون فوق ظهرك انشاءالله حتى التاسف ماتعرف تتاسف زي الناس ..بكرة ياجعلي افرح بك قل اميين اذا اعرست وش تبي تسوي لحرمتك اذا زعلت؟؟
الخكيري:ابجيب لها عسكريم ...
العجيز:هذا اللي تقدر عليه ياتسبد امك تجيب لها عسكريم انا ابوك يوم زعل علي عطاني طلقتين بالشوزن ع ظهري..
الله يخلف علي ..وعليك ..بس


وجنطت وبنطت وخلصت <<لاوالله--
::شووووو رااايكم اتمنى ان تحوووز ع رضاكم :: [/size]

الله ميـــر يحييتس هذي الساعة المباركة
اذا ماضحكتي من يضحك اجل<<تسمع بالمدح--
منورة ياتسبدي [/size]